काठमाडौं ।  आईपीएल २०२६ अन्तर्गत भएको रोमाञ्चक खेलमा गुजरात टाइटन्सले कोलकाता नाइट राइडर्सलाई ५ विकेटले पराजित गरेको छ। १८१ रनको लक्ष्य पछ्याएको गुजरातले अन्तिम ओभरमा जित सुरक्षित गर्दै महत्वपूर्ण दुई अंक जोड्यो।

पहिले ब्याटिङ गरेको कोलकाताले १८० रन बनाउँदा क्यामरन ग्रीनले ७९ रनको उत्कृष्ट योगदान दिए पनि अन्य ब्याट्सम्यान चल्न सकेनन्। गुजरातका रबाडाले ३ तथा सिराजले २ विकेट लिएर विपक्षीलाई दबाबमा राखेका थिए।

जवाफमा गुजरातका कप्तान शुबमन गिलले ८६ रनको शानदार इनिङ खेल्दै टोलीको जितको आधार तयार पारे। अन्तिम समयसम्म पुगेको खेलमा गुजरातले १९।४ ओभरमा लक्ष्य भेट्दै तालिकामा आफ्नो स्थिति मजबुत बनाएको छ, जबकि कोलकाता भने लगातार हारसँगै दबाबमा परेको छ।