देउवा समूह जिल्ला सभापतिहरूको भेला स्थगित
रफत न्युज १९ चैत २०८२ १२:१५
काठमाडौं । नेपाली कांग्रेसको देउवा समूहले आयोजना गर्ने भनिएको जिल्ला सभापतिहरूको भेला स्थगित भएको छ । विशेष महाधिवेशनको विपक्षमा रहेका नेताहरूको धुम्बाराही बैठकले सभापतिहरूको जिल्ला भेला स्थगित गरेको हो ।
निवर्तमान कार्यवाहक सभापति पूर्णबहादुर खड्काले १४ औं महाधिवेशनबाट निर्वाचित पदाधिकारी र केन्द्रीय सदस्यहरूको दुई दिने बैठक बोलाएका थिए । बैठकले तत्कालका लागि जिल्ला सभापतिहरूको भेला स्थगित गरेको नेताहरूले जानकारी दिएका छन् । यसअघि संस्थापनइतर समूहले आज बिहीबार जिल्ला सभापतिहरूको भेला बोलाइएको थियो ।
प्रतिक्रिया
