काठमाडौं ।  अनामनगरस्थित स्टुडियोमा आत्मदाह प्रयास गरेकी नितु पौडेलको उपचार क्रममा शुक्रबार मृत्यु भएको छ। उनको कीर्तिपुर बर्न अस्पतालमा उपचार क्रममा मृत्यु भएको नेपाल प्रहरीले जनाएको छ। पौडेलको निधन शुक्रबार बिहान ८ः३० बजे भएको हो।

गायिका समेत रहेकी नितुले गत शनिबार दिउँसो संगीतकार तथा गायक बाबुल गिरीको स्टुडियोमा आत्मदाह प्रयास गरेकी थिइन्। त्यहाँबाट उनलाई उद्धार गरेर बर्न अस्पताल लगिएको थियो। त्यसपछि प्रहरीले गिरीलाई सोधपुछका लागि बोलाएको थियो।

यसैबीच गायिका नितुको मृत्यु भएपछि उनका दाई गणेश पौडेल जाहेरी लिएर प्रहरी कार्यालय पुगेका छन् । नितुका दाई गणेश गायक बाबुल गिरीविरुद्ध जाहेरी लिएर अहिले प्रहरी वृत्त सिंहदरबार पुगेका हुन् ।