काठमाडौं ।  भारतमा जारी नेपाल ‘ए’ र आसामबीचको टी–२० सिरिजअन्तर्गत दोस्रो खेलमा नेपाल ‘ए’ विजयी भएको छ ।

भारतको गुहावटीमा आज भएको खेलमा नेपाल ‘ए’ आसमसँग ९६ रनले विजयी भएको हो । टस जितेर पहिले ब्याटिङ गरेको नेपालले निर्धारित ओभरमा ७ विकेट गुमाउँदै १ सय ७३ रन बनाएको थियो ।

१ सय ७४ रनको लक्ष्य पछ्याएको आसाम १५.२ ओभरमा अलआउट हुँदै ७७ रन मात्रै जोड्न सक्यो । नेपालको जितमा युवा स्पिनर युवराज खत्रीले शानदार बलिङ गरे ।