काठमाडौं ।  अमेरिकी राष्ट्रपति डोनाल्ड ट्रम्पले इरानको बारेमा कडा र विवादास्पद बयान दिएका छन्। उनले भनेका छन् कि यदि इरानले आणविक हतियार बनाउन पर्याप्त युरेनियम संवर्धित  (Enrich) गर्न जारी राख्यो भने, उनी कुनै हिच्किचाहट बिना इरानमा फेरि हवाई (Air Strikes) आक्रमण गर्नेछन्।

ट्रम्पले उक्त बयान शुक्रबार  ह्वाइट हाउसमा आयोजित पत्रकार सम्मेलनमा दिएका हुन्। इरानको आणविक गतिविधि रोक्न हालै गरिएको अमेरिकी हवाई आक्रमण असफल भएमा के उनी फेरि कारबाही गर्छन् भन्ने प्रश्नमा ट्रम्पले स्पष्ट रूपमा ट्रम्पले भने: “बिल्कुल। यसको बारेमा कुनै प्रश्न छैन।”

इरानमाथि वर्षौंदेखि शान्तिपूर्ण प्रयोगको नाममा उच्च स्तरमा युरेनियम समृद्धि गरेको आरोप लगाइएको छ, जुन आणविक हतियार निर्माणमा प्रयोग गर्न सकिन्छ। यदि युरेनियम ९०% सम्म संवर्धित गरियो भने, यसलाई आणविक बम बनाउन प्रयोग गर्न सकिन्छ। इरानले आफ्नो आणविक कार्यक्रम शान्तिपूर्ण उद्देश्यका लागि भएको दाबी गर्छ, तर अमेरिका र इजरायलजस्ता देशहरूले यो दाबीमा शंका गर्दै आएका छन्।