काठमाडौं । भारतकी प्रसिद्ध अभिनेत्री तथा मोडेल शेफाली जरीवालाको ४२ वर्षको उमेरमा २७ जुनमा निधन भएको थियो। प्रारम्भिक रिपोर्ट अनुसार उनलाई हृदयाघात (कार्डियाक अरेस्ट) भएको थियो। उनका श्रीमान् पराग त्यागी र अन्य तीन जनाले उनलाई तुरुन्तै बेलेभ्यू मल्टिस्पेशलिटी अस्पताल लगिएको बताइन्छ तर त्यहाँका डाक्टरहरूले उनलाई मृत घोषित गरे। शेफालीले २००० को दशकको सुरुमा आएको लोकप्रिय म्युजिक भिडियो “काँटा लगा” बाट ठूलो पहिचान पाइन्।

यस गीतका कारण मानिसहरूले उनलाई “काँटा लगा गर्ल” भनेर चिन्न थाले। यसपछि उनी सलमान खानको फिल्म “मुझसे शादी करोगी” मा पनि देखिइन्। पछि, उनले सलमानले होस्ट गर्ने “बिग बोस १३” मा पनि भाग लिइन्। यस कार्यक्रममा उनी आफ्नो पूर्वप्रेमी सिद्धार्थ शुक्लासँगको पुरानो सम्बन्धका कारण पनि चर्चामा थिइन्।