काठमाडौं । प्रधानमन्त्री केपी शर्मा ओलीले अख्तियार दुरुपयोग अनुसन्धान आयोग प्रयोग हुने संस्था नभएको बताएका छन्। मोरङको कटहरी गाउँपालिका–२ मा शनिबार जीवन विकास सामुदायिक अस्पताल तथा टेक्निकल एजुकेशन फाउन्डेसनको उद्घाटनपछि उनले अख्तियार प्रयोग हुने संस्था नभई काम गर्ने संस्था भएको बताएका हुन्।

प्रधानमन्त्री ओलीले पतञ्जलीको जग्गा प्रकरणमा पूर्वप्रधानमन्त्री एवं नेकपा (एकीकृत समाजवादी) का अध्यक्ष माधवकुमार नेपाललाई प्रतिवादी बनाएर अख्तियारले विशेष अदालतमा मुद्दा दायर गरेपछि सरकारमाथि राजनीतिक प्रतिशोध साँधेको आरोप लाग्दै आएको छ। प्रधानमन्त्री ओलीले भने, ‘अख्तियार प्रयोग हुने संस्था होइन, काम गर्ने संस्था हो।’