क्रिकेटर सन्दीप लामिछानेले क्यानलाई गरे बाइबाई

रफत न्युज ३१ वैशाख २०८२ १५:५१

खेल

क्रिकेटर सन्दीप लामिछानेले क्यानलाई गरे बाइबाई

काठमाडौं । नेपाली राष्ट्रिय क्रिकेट टोलीका पूर्वकप्तान सन्दीप लामिछानेले नेपाल क्रिकेट संघ (क्यान) सँगको सम्झौतालाई निरन्तरता नदिने घोषणा गरेका छन् । आइसिसी विश्वकप लिग-२ का लागि नेपाली टोलीको बिदाइ लगत्तै उनले सामाजिक सञ्जालमार्फत् क्यानसँगको केन्द्रीय सम्झौतामा समावेश नहुने घोषणा गरेको हो।

सन्दीपको फेसबुकमा उल्लेख छ, ‘धेरै सोचविचार पछि मैले यस पटक नेपाल क्रिकेट संघको केन्द्रीय सम्झौता निरन्तरता नदिने निर्णय लिएको छु।’ लामिछानेले यो निर्णयलाई क्रिकेट वा राष्ट्रबाट टाढा हुने कदम नभई, व्यक्तिगत र पेशागत विकासतर्फको पाइलाका लागि भएको उल्लेख गरेको छ। सम्झौता नवीकरणमा सहभागी नहुने घोषणा गरेका लामिछानेले क्यानप्रति आभार प्रकट गरेका छन् ।

‘क्यानले मेरो क्रिकेट यात्रा र नेपालको क्रिकेटलाई अघि बढाउन खेलेको भूमिकाको उच्च कदर गर्छु’, लामिछानेले थप लेखे। लिग-२ अगाडि सन्दीपको यो घोषणालाई चासोका साथ हेरिएको छ।

नेपालले लिग-२ अन्तर्गत स्कटल्याण्ड र नेदरल्याण्डसँग आगमी जुन २ देखि १० तारिख (आगामी जेठ १९-२७ गते) सम्म सिरिज खेल्नेछ। लिग-२ सिरिजपछि नेपालले ती देशसँग टी-२० आई सिरिजसमेत खेल्ने क्यानले जनाएको छ। उक्त सिरिज भने जुन १५ देखि २० तारिख (आगामी असार १-६ गते) सम्म सञ्चालन हुनेछ। लिग-२ खेल्नु अगाडि नेपालले बेलायतको स्थानिय टोली तथा स्टकल्याण्डको ए’ टोलीसँग अभ्यास खेलसमेत खेल्नेछ।

लिग-२ को शृङ्खलाका लागि नेपाली टोलीको कप्तान रोहितकुमार पौडेलसँगै उप-कप्तान दीपेन्द्रसिंह ऐरी, गुल्सनकुमार झा, आसिफ शेख, करण केसी, सोमपाल कामी, कुशल भुर्तेल, ललितनारायण राजवंशी, अनिलकुमार साह, सन्दीप लामिछाने, भीम सार्की, आरिफ शेख, बसिर अहमद, नन्दन यादव र रिजन ढकाल छन्।

Sandeep Lamichhane’s post

After much thought, I’ve decided not to continue under the central contract of the Cricket Association of Nepal for this time. This isn’t a step away from cricket or my nation—it’s a step toward evolving personally and professionally.

I’m deeply grateful to CAN for their continuous support throughout my journey. Their role in shaping Nepal cricket and my own growth has been significant.

To be clear—I will continue playing for Nepal with the same passion and dedication as always. That pride and responsibility will forever remain close to my heart.

Life is a journey full of evolving paths and responsibilities. There’s still so much to explore, so much to give, and so much to become. I’m excited for the road ahead—with cricket, and beyond.

My loyalty to my country, and my passion for the game, will always stay at the core of everything I do. Sometimes, choices are made not out of separation, but from a place of purpose and growth.

The journey continues—with new energy and an open heart. Thank you for always believing in me.