टस हारेर पहिले ब्याटिङ गरेको नेपालले निर्धारित १५ ओभरमा ४ विकेट गुमाएर १४९ रन बनायो । नेपालका लागि जोराले ३२ बलमा ५७ रन तथा लोकेशले २२ बलमा ५२ रन बनाए । दुवै खेलाडी अविजित रहे । आसिफ शेखले २१ रनको योगदान दिए ।

जापानका रियो साकुरानो थोमस, इब्राहिम ताकाहाशी, कुसुदा नारानी र डेक्लान सुजुकीले एक–एक विकेट लिए । नेपालको इनिङ सकिएलगत्तै पुनः वर्षा सुरु भएपछि पिच ढाकिएको थियो । लगातार वर्षाका कारण जापानको इनिङ सुरु हुन सकेन र खेल नतिजाविहीन घोषित भयो ।

यससँगै नेपाल समूह ‘ए’को विजेता बनेर क्वार्टरफाइनलमा प्रवेश गरेको छ । नेपालले २ खेलबाट ३ अंक जोड्यो । अफगानिस्तान २ अंकसहित समूह उपविजेता बन्यो । अब क्वार्टरफाइनलमा नेपालले श्रीलंकासँग प्रतिस्पर्धा गर्नेछ । अर्को क्वार्टरफाइनलमा अफगानिस्तानले भारतको सामना गर्नेछ ।