ढुंगानाले भने, “हामी कमजोर छैनौं, देशभरका युवा एकजुट भइसकेका छन्। अब यो एकतालाई सबैले देख्नेछन्।” उनले शक्ति प्रदर्शनको ठ्याक्कै मिति भने खुलाएका छैनन्, तर तयारी तीव्र गतिमा भइरहेको संकेत दिएका छन्।

उनका अनुसार, समूहले हाल प्रत्यक्ष निर्वाचित कार्यकारी प्रणालीबारे गहिरो अनुसन्धान गरिरहेको छ। ढुंगानाले भने, “हामीले प्रत्यक्ष निर्वाचित शासकलाई निरंकुश हुनबाट रोक्ने उपाय पनि पत्ता लगाइसकेका छौं। अब यो नयाँ राजनीतिक सोचलाई जनतामाझ प्रस्तुत गर्नेछौं।”

जेन–जी समूहले हालै देशका विभिन्न भागमा युवाहरूबीच छलफल र भेटघाट गर्दै आएको छ। आगामी प्रदर्शनलाई उनीहरूले “नयाँ पुस्ताको शक्ति प्रदर्शन” का रूपमा प्रस्तुत गर्न लागेका छन्।