काठमाडौं । रास्वपाको बागमती प्रदेश अधिवेशन स्थगित भएको छ । हिजो उद्घाटन गरिएको अधिवेशन आज नयाँ नेतृत्वचयनबिनै स्थगन भएको हो ।

मतदानका लागि छापिएको मतपत्रमा सदस्यका एक प्रत्याशीको नाम छुटेको पाइएपछि विवाद उत्पन्न भएको थियो । विवाद बढ्दै जाँदा अधिवेशनस्थलमा बाक्लो संख्यामा प्रहरी परिचालन गरिएको थियो । आज पनि मतदानमा ढिलाइ भएपछि प्रतिनिधि लाखापाखा लागेका थिए । अन्तमा निर्वाचन आयाेगले अधिवेशन स्थगनकाे घाेषणा गरेकाे छ ।