भान्सले बिहीबार अमेरिकाको मेल्यिान्डस्थित एयरवेसको रनवेमा पत्रकारहरूसँग भने, “राष्ट्रपतिले उक्त एमओयूमा कहिले हस्ताक्षर गर्नुहुन्छ वा हस्ताक्षर गर्नुहुन्छ कि हुँदैन भन्ने कुरा ठ्याक्कै भन्न गाह्रो छ । हामी केही भाषागत बुँदाहरूमा छलफल गरिरहेका छौँ ।”

प्रगति भइरहेको कुरामा जोड दिँदै भान्सले इरानको आणविक कार्यक्रम र संवर्धित युरेनियमसम्बन्धी केही मुख्य बुँदाहरू अझै पनि अनिश्चित अवस्थामै रहेको बताए । उनले आणविक विषय, उच्च संवर्धित मौज्दात र संवद्र्धनको सवालमा केही मुद्दाहरू बाँकी रहेको बताए ।

“हामी यस्तो बिन्दुमा पुग्नेछौँ, जहाँ सम्भावित रूपमा सँगै बसेर यी मुद्दाहरू समाधान गर्न सक्नेछौँ । तर, त्यसका लागि हामीले अझ केही प्रगति गर्न आवश्यक छ,” उनले भने, “म हामी त्यहाँ पुग्छौँ नै भनेर ग्यारेन्टी त दिन सक्दिनँ । तर, अहिलेका लागि म यसबारे निकै सकारात्मक महसुस गरिरहेको छु ।”

हालै भएका आपसी आक्रमणका बाबजुद युद्धविराम कायम रहेको, तर अमेरिकाले रक्षात्मक आक्रमण गर्ने अधिकार सुरक्षित राखेको भान्सले बताए । युद्ध लम्बिँदै जाँदा अमेरिकामा कच्चा तेल, पेट्रोल र डिजेलको मौज्दात तीव्र रूपमा घटिरहेको छ । महिनौँदेखि जलमार्ग बन्द रहेकाले ऊर्जा उद्योगले भण्डारणमा राखिएको तेलमा अत्यधिक निर्भर हुनुपरेको छ ।