काठमाडौं ।  हाल नेपालमा पश्चिमी न्यूनचापीय प्रणालीको प्रभाव रहेको छ । मौसम पूर्वानुमान महाशाखाले आज बिहान ८ बजे जारी गरेको बुलेटिन अनुसार आज दिउँसो देशको उच्च पहाडी तथा हिमाली भू‍-भागमा पूर्णतया बादल लाग्नेछ र बाँकी पहाडी र तराईका भू-भागमा साधारणतया बादल लाग्नेछ ।

देशको उच्च पहाडी तथा हिमाली भू‍-भागका केही स्थानहरूमा मध्यम हिमपात/वर्षाको सम्भावना रहेको छ । बागमती, गण्डकी, लुम्बिनी, कर्णाली र सुदूरपश्चिम प्रदेशका बाँकी भू-भागका केही स्थानहरूमा मध्यम वर्षा तथा कोशी प्रदेशका पहाडी भू-भाग र मधेश प्रदेशका थोरै स्थानहरूमा र कोशी प्रदेशको तराईको एक-दुई स्थान हल्का वर्षाको सम्भावना रहेको छ ।