भक्तपुरमा जुवाखालबाट नौ लाखसहित २७ जना पक्राउ
रफत न्युज ४ कार्तिक २०८२ १९:२६
भक्तपुर। जिल्ला प्रहरी परिसर भक्तपुरको टोलीले आज जुवा खेल्दै गरेको अवस्थामा जुवाखालबाट रु नौ लाख २३ हजार ९६० नगरसहित २७ जनालाई पक्राउ गरेको छ ।
प्रहरीले जुवा खेल्दै गरेको अवस्थामा छापा मारी जुवा खालबाट नगदसहित १६ वटा कौडासमेत बरामद गरेको परिसरका प्रहरी नायब उपरीक्षक प्रकाश जबेगुले जानकारी दिए । प्रहरीले पक्राउ परेका सबैलाई हिरासतमा राखेर थप अनुसन्धान गरिरहेको उनले जानकारी दिए । पक्राउ परेका व्यक्तिहरु नगरपालिका क्षेत्रका रहेको बताइएको छ ।
प्रतिक्रिया
