काठमाडौं । जल तथा मौसम विज्ञान विभागको बाढी पूर्वानुमान महाशाखाले विभिन्न जिल्लामा बाढी अनुमान गरेको छ।

बाढी महाशाखाका अनुसार आज बिहानको मापनमा कोशी, नारायणी, बागमती, कर्णाली र यिनका सहायक नदीहरू तथा कन्काई, कमला, पूर्वी राप्ती, पश्चिम राप्ती र बबई नदीको बहाब सतर्कता तहभन्दा तल र महाकाली नदिको बहाब सतर्कता तहआसपास देखिएको छ।

यसका अलावा आज दोलखा, सिन्धुपाल्चोक,काठमाडौं, ललितपुर, भक्तपुर, काभ्रेपलाञ्चोक, लमजुङ, गोरखा, दैलेख, कालीकोट, अछाम, बैतडी, डडेलधुरा, दार्चुला र आसपासका जिल्ला भई बहने स-साना नदीको बहाब उल्लेख्य बढेर आकस्मिक बाढीको मध्यम जोखिम हुने सम्भावना उच्च रहेको बाढी महाशाखाले जनाएको छ।

यसैगरी आज सोलुखुम्बु, नुवाकोट, रसुवा, धादिङ, रामेछाप, सिन्धुली, मकवानपुर, चितवन, कास्की, स्याङ्जा, पर्वत, म्याग्दी, जाजरकोट, रुकुमपश्चिम, सल्यान, सुर्खेत, जुम्ला, हुम्ला, डोल्पा, डोटी, बाजुरा, बझाङ, कैलाली, कञ्चनपुर र आसपासका जिल्ला भई बहने केही ससाना नदीको पनि बहाब उल्लेख्य बढ्ने सम्भावना छ। जसबाट आकस्मिक बाढीको मध्यम जोखिम हुने सम्भावना मध्यम छ।