मुख्यमन्त्री शाहलाई विश्वासको मत प्राप्त

काठमाडौं । सुदूरपश्चिम प्रदेशका मुख्यमन्त्री कमल बहादुर शाहले प्रदेशसभा बैठकबाट विश्वासको मत प्राप्त गरेका छन् । नागरिक उन्मुक्ति पार्टी (नाउपा) ले समर्थन फिर्ता लिएपछि मुख्यमन्त्री शाहले विश्वासको मत लिएका हुन् । समर्थन फिर्ता गर्ने नाउपाकै सांसद कैलाश चौधरीले मुख्यमन्त्री शाहको पक्षमा मतदान गरे ।
नाउपाका सात सांसदमध्ये ६ जना प्रदेशसभा बैठकमा अनुपस्थित रहे भने उपस्थित एकमात्र सांसद चौधरीले शाहलाई मत दिएका हुन् ।मुख्यमन्त्री शाहलाई नेपाली कांग्रेसका १८ र नेकपा एमालेका ११ सांसदले पनि समर्थन जनाएका छन् ।
प्रतिक्रिया