बागमती कांग्रेसमा मुख्यमन्त्री लामाविरुद्ध अविश्वासको प्रस्ताव पारित
रफत न्युज १३ साउन २०८२ १३:५०
काठमाडौं । बागमती प्रदेश नेपाली कांग्रेस संसदीय दलका नेता एवं मुख्यमन्त्री बहादुरसिं लामाविरुद्धको अविश्वासको प्रस्ताव पारित भएको छ। आज भएको मत विभाजनमा दलका नेता लामाको पक्षमा १५ र विपक्षमा २२ सांसदले मत दायर गरे। प्रदेशसभामा कांग्रेसका ३७ सदस्य छन्।
यससँगै अब यहाँ इन्द्रबहादुर बानियाँलाई मुख्यमन्त्री बन्ने बाटो खुला भएको छ। दलका नेता लामाविरुद्ध बानियाँ नेतृत्वमा २१ सांसदको हस्ताक्षरसहित अविश्वासको प्रस्ताव दर्ता भएको थियो।
नेपाली नेपाली कांग्रेसका केन्द्रीय सदस्य एवं परिवेक्षक राजन केसीको नेतृत्वमा अविश्वासको प्रस्तावमाथि मत विभाजन भएको हो।
प्रतिक्रिया
