आज असोज ९ गते शुक्रबारको राशीफल
रफत न्युज ९ असोज २०८३ ८:२२
मेष (चु, चे, चो, ला, लि, लु, ले, लो, अ) प्रतिस्पर्धात्मक काममा आफ्नो दक्षता साबित गर्न सकिनेछ। प्रियजनसँगको भेटले मन हर्षित हुनेछ। वर्षाको यो बेलामा बाटाघाटा चिप्लो हुनसक्ने भएकाले सवारी चलाउँदा वा हिँडडुल गर्दा विशेष ध्यान दिनुहोला। आजको शुभ रंग केशरी हो भने शुभ अंक ६ रहेको छ।
वृष (इ, उ, ए, ओ, वा, वि, वु, वे, वो ) मनमा देखिएका द्विविधा हटाएर अघि बढ्दा सफलता हात लाग्नेछ। व्यावसायिक क्षेत्रमा ग्राहकको सन्तुष्टि बटुल्न सकिनेछ। घरायसी बन्दोबस्तीका सामानहरू खरिद गर्ने अवसर जुर्नेछ। आजको शुभ रंग फिका हरियो हो भने शुभ अंक ३ रहेको छ।
मिथुन (का, कि, कु, घ, ङ, छ, के, को, हा) तपाईंको विचार र मिठासपूर्ण बोलीले धेरैको मन जित्नेछ। अध्ययन अध्यापनका क्षेत्रमा देखिएका अवरोधहरू स्वतः हटेर जानेछन्। पानी परिरहेको वर्तमान अवस्थामा टाढाको यात्रा गर्नु पर्दा सवारीका साधनमा सावधानी अपनाउनु होला। आजको शुभ रंग आकाशे हो भने शुभ अंक ८ रहेको छ।
कर्कट (हि, हु, हे, हो, डा, डि, डु, डे, डो) पारिवारिक सम्बन्धमा अझ प्रगाढता आउनेछ। आर्थिक लगानीको पाटो व्यवस्थित बन्नेछ। मनले जे भन्छ त्यही निर्णयमा अडिग रहनुहोला। बाहिरी भागतिर जाँदा पानीबाट जोगिन विशेष ख्याल गर्नुहोला। आजको शुभ रंग सेतो हो भने शुभ अंक ८ रहेको छ।
सिंह (मा, मि, मु, मे, मो, टा, टि, टु, टे) तपाईंको कार्यशैलीले कार्यालय वा कार्यक्षेत्रमा सबैको प्रशंसा बटुल्नेछ। नयाँ किसिमका जिम्मेवारीहरू सम्हाल्नुपर्ने समय छ। व्यापार-व्यवसायबाट सोचेभन्दा राम्रो आम्दानी हुनेछ। आजको शुभ रंग सुन्तला हो भने शुभ अंक १ रहेको छ।
कन्या (टो, पा, पि, पु, ष, ण, ठ, पे, पो) सानातिना विषयमा सतर्कता अपनाउँदा ठूला दुर्घटना वा त्रुटिबाट बच्न सकिनेछ। दैनिक कार्यहरूको हिसाबकिताब दुरुस्त राख्न सहज हुनेछ। घरको कुनै बाँकी रहेको कामलाई पूर्णता दिन समय अनुकुल छ। आजको शुभ रंग सेतो हो भने शुभ अंक ७ रहेको छ।
तुला (रा, रि, रु, रे, रो, ता, ति, तु, ते) नयाँ मान्छेहरूसँगको सम्पर्कले भविष्यमा फाइदा पुर्याउनेछ। बजारमा किनमेल गर्दा आफ्नो आर्थिक सीमालाई सधैं ख्याल गर्नुहोला। स्वास्थ्यसम्बन्धी कुरामा विशेष सतर्कता अपनाउनुहोला। आजको शुभ रंग रातो हो भने शुभ अंक ४ रहेको छ।
वृश्चिक (तो, ना, नि, नु, ने, नो, या, यि, यु) कुनै पनि विषयको गहिराइमा पुगेर मात्र निर्णय लिँदा मन ढुक्क हुनेछ। धनसम्पत्तिको कारोबार गर्दा चनाखो हुनुपर्ने समय छ। आफ्ना व्यक्तिगत कामहरूमा अरूको मात्र भर नपरी आफैं अग्रसर हुनुहोला। आजको शुभ रंग गुलाबी हो भने शुभ अंक ९ रहेको छ।
धनु (ये, यो, भा, भि, भु, धा, फा, ढा, भे) मनको अन्योल क्रमशः हट्दै जानेछ। विगतमा गरेको कडा मेहनतको सुखद नतिजा अब प्राप्त हुन थाल्नेछ। यात्रा गर्दा सावधानी अपनाउनुहोला। आजको शुभ रंग बैजनी हो भने शुभ अंक २ रहेको छ।
मकर (भो,जा,जि,जु,जे,जो,ख,खि,खु,खे,खो,गा,गि) जिम्मा लिएका सम्पूर्ण कामहरू समयमै सकिँदा मन प्रफुल्लित बन्नेछ। आधुनिक प्रविधिको सहायताले काममा सहजता आउनेछ। बाहिर झरी परिरहेको हुनाले घरमै बसेर गर्नुपर्ने सिर्जनात्मक कामहरूमा समय दिनुहोला। आजको शुभ रंग निलो हो भने शुभ अंक ८ रहेको छ।
कुम्भ (गु, गे, गो, सा, सि, सु, से, सो, दा) फरक सोच र विचार राख्ने मानिसहरूसँगको संवाद ज्ञानवर्धक साबित हुनेछ। सामाजिक क्षेत्रमा तपाईंको दायरा फराकिलो बन्नेछ। आफ्नो सिर्जनात्मक क्षमता देखाउने राम्रो प्लेटफर्म पाउनुहुनेछ। आजको शुभ रंग कलेजी हो भने शुभ अंक ५ रहेको छ।
मीन (दि, दु, थ, झ, ञ, दे, दो, चा, चि) अरूको सेवा वा परोपकार गर्दा असीम आत्मिक शान्ति मिल्नेछ। कला, साहित्य वा संगीत क्षेत्रमा रुचि भएकाहरूका लागि समय फलदायी छ। व्यस्तताका बीचमा पनि आफ्ना शरीर र स्वास्थ्यलाई आराम दिन नभुल्नुहोला। आजको शुभ रंग हरियो हो भने शुभ अंक ३ रहेको छ।
प्रतिक्रिया
