काठमाडौं । पृथ्वी राजमार्ग अवरुद्द हुदा हेटौंडा–काठमाडौं जोड्ने वैकल्पिक मार्गका रूपमा प्रयोग भइरहेको पुरानो राजमार्ग त्रिभुवन राजपथमा पनि सडक भासिएको छ । मकवानपुरको भीमफेदी गाउँपालिका–९ अघोर बजार नजिक सडक तलबाट भासिएपछि त्रिभुवन राजपथमा सवारी आवागमन प्रभावित भएको हो । सडक भासिएसँगै उक्त सडकखण्डमा हाल एकतर्फी मात्रै सवारी सञ्चालन भइरहेको छ ।

पृथ्वी राजमार्ग अवरुद्ध भएपछि काठमाडौं आवतजावतका लागि ठूला यात्रुवाहक तथा भार बोकेका सवारी साधन त्रिभुवन राजपथ हुँदै सञ्चालन भइरहेका बेला सडक भासिएपछि यातायात व्यवस्थापनमा थप चुनौती देखिएको छ । सडक विभागसँग समन्वय गरी भासिएको सडकखण्डमा ट्र्याक निर्माण तथा सडक सुचारु गर्ने काम अघि बढाइएको जिल्ला प्रहरी कार्यालयले जनाएको छ ।