काठमाडौं । रसुवाको भोटेकोशी नदीमा आएको विनाशकारी बाढीमा परी मृत्यु भएका व्यक्तिहरूको सम्झनामा आज राष्ट्रिय शोक मनाइँदै छ। भदौ १८ गते बसेको मन्त्रीपरिषद्को बैठकको निर्णयअनुसार भोटेकोशीमा आएको अकल्पनीय  बाढीका कारण मृत्युवरण गर्ने व्यक्तिहरूको सम्मानमा आज देशभर राष्ट्रिय शोक मनाइएको हो।

सोही निर्णयअनुसार आज देशभरका सरकारी कार्यालय, विदेशस्थित नेपाली दूतावास र कूटनीतिक नियोगहरूमा राष्ट्रिय झण्डा आधा झुकाइएको छ। बाढी आएको १३ औं दिनमा सरकारले मृतकहरूप्रति उच्च सम्मान प्रकट गर्दै शोक दिवस मनाउने निर्णय गरेको हो ।