मेयर सिंहविरुद्ध सरकारी कागजात र नागरिकता किर्ते गरेको आरोपमा स्थानीय वीरगञ्ज-३ छपकैया निवासी लियाकत अलीले २०८० सालको माघ महिनामा जिल्ला प्रहरी कार्यालय पर्सामा जाहेरी दिएका थिए।

सिंहले नक्कली कागजातका आधारमा अर्कैकी छोरीलाई आफ्नी छोरी दाबी गर्दै नेपाली नागरिकता दिलाएको आरोप छ। सिंह पक्राउ पुर्जी जारी भएदेखि नै महानगरको कामको सिलसिलामा काठमाडौँमा रहेको भन्दै सम्पर्कविहीन रहँदै आएका थिए। प्रहरीले उनीसहित अन्य ३ जनाविरुद्ध परेको सोही किर्ते मुद्दामा थप अनुसन्धान अघि बढाएको छ।