काठमाडौं ।  धनगढीमा आज एमालेका कार्यकर्ताले जेनजीमाथि आक्रमण गरेको छ। नेता महेश बस्नेतको स्वागतमा मोटरसाइलको लश्करसहित हिँडेका युवा संघका कार्यकर्ताहरुले सुरक्षाकर्मीको घेरा तोडेर जेनजीमाथि आक्रमण गरेका हुन् ।

युवा संघका कार्यकर्ताले जेनजी समूहमाथि हातपात गर्दै लखेटेका थिए । हातपात र आक्रमणबाट जेनजी समूहकी सरिता जोशीलगायत घाइते भएको बताइएको छ ।

बस्नेत युवा संघको राष्ट्रिय जागरण भेलालाई सम्बोधन गर्न धनगढी आएका हुन्। बस्नेत आउने थाहा पाएपछि जेनजीहरुले आज बिहान देखिनै धनगढीमा विरोध प्रदर्शन गरेका थिए ।