काठमाडौं । गृहमन्त्री ओमप्रकाश अर्याल र नवनियुक्त प्रहरी महानिरीक्षक दानबहादुर कार्कीले जेनजी आन्दोलनका घाइते अभिषेक श्रेष्ठ र उनका प्रतिनिधिसँग भेट गरेका छन्। गृह मन्त्रालयमा आज भएको भेटमा घाइते दुई जना र जेनजीका प्रतिनिधिहरू सहभागी थिए।

उनीहरूले प्रहरी प्रमुख र सरकारसँग उचित उपचारको व्यवस्था मिलाउन र जेनजीका न्यायोचित मागहरू सम्बोधन गर्न आग्रह गरे। यसअघि आईजीपीको दर्ज्यानी चिन्ह प्राप्त गरेपछि कार्कीले गृहमन्त्री अर्यालसँग उनको कार्यकक्षमा भेट गरेका थिए। उक्त अवसरमा गृहमन्त्री अर्यालले कार्कीलाई बधाई दिँदै सफल कार्यकालको शुभकामना दिएका थिए।