काठमाडौं ।  अविरल वर्षापछि रोशी खोलामा आएको बाढीले राजमार्ग क्षतिग्रस्त छ । गत वर्षको असोजमा आएको भीषण बाढीले तहसनहस भएको उक्त राजमार्ग यस वर्षको बाढीले पुनःक्षतिग्रस्त बनेको हो ।

यस वर्ष अस्थायी ट्र्याकसमेत बगाएपछि राजमार्ग पूर्णरुपमा बन्द हुन पुगेको थियो । विपी राजमार्गको अवस्था अवलोकन गर्न ऊर्जा, जलस्रोत तथा सिँचाइ, भौतिक पूर्वाधार तथा यातायात र सहरी विकास मन्त्री कुलमान घिसिङसहितको टोली क्षतिग्रस्त स्थानमा पुगेको छ । मन्त्री घिसिङले छिटोभन्दा छिटो काम सम्पन्न गरेर राजमार्ग सञ्चालन गर्न निर्देशन दिए । सम्भवतः अबको ४\५ दिनपछि राजमार्ग सचारु हुने अनुमान गरिएको छ ।