नेपालीलाई सतर्क र सजग भएर बस्न पूर्वराजा ज्ञानेन्द्र शाहको आग्रह

काठमाडौं । पूर्वराजा ज्ञानेन्द्र शाहले हालको समय वर्षाको समय भएकाले नेपालीहरू सतर्क र सजग भएर बस्नुपर्नेतर्फ सबैको ध्यानाकर्षण गरेका छन् । आज असार २३ गते आफ्नो जन्मदिनका अवसरमा निर्मल निवासमा शुभकामना आदन प्रदान गर्न आएका सञ्चारकर्मीहरूसँग संक्षिप्त कुराकानी गदैृ पूर्वराजा शाहले भने, ‘अहिलेको समय वर्षाको समय हो। वर्षाको समयमा बाढी, पहिरो, डुबानजस्ता विपद्को सामना गर्नुपर्ने हुन्छ। पानीजन्य बिरामीहरू पनि हुन्छ। त्यसैले सबै दिदीबहिनी दाजुभाईहरुलाई सर्तक रहन र विचार गरेर बस्न मेरो आग्रह छ।’

शाहले भने, ‘यो समय नेपाल र नेपालीका लागि भलो होस् भनेर प्रार्थना गर्ने समय हो। हामी नेपालमा मात्रै जन्मिएर नेपाली हुने होइन। नेपाल नै हामीभित्र हुनुपर्छ अनि मात्रै हामी नेपाली हुन्छौं।’

उनको जन्मोत्सव कार्यक्रममा पूर्वराजपरिवारका सदस्य र उनका आफन्तजनको निर्मल निवास महाराजगञ्जमा उपस्थिति थियो। उनलाई शुभकामना दिनका लागि पुष्पगुच्छा बोकेर राजावादी दल राप्रपाका साथै अन्य राजाजादी संघसंगठन तथा सर्वसाधारण बिहानैदेखि निर्मल निवास पुगेका थिए।


प्रतिक्रिया

Leave a Reply

Your email address will not be published. Required fields are marked *

सम्बन्धित खबर