कालीगण्डकी ‘ए’ जलविद्युत् आयोजना बन्द
रफत न्युज ११ असोज २०८३ ८:३२
काठमाडौं । कालीगण्डकी नदीमा आएको बाढीका कारण १४४ मेगावाट क्षमताको कालीगण्डकी ‘ए’ जलविद्युत् आयोजना बन्द गरिएको छ । कालीगण्डकी नदीले मिर्मीस्थित करिब ५० मिटर लामो पक्की पुलसमेत बगाएको छ ।
कालीगण्डकीमा पानीको बहाव बढेसँगै स्याङ्जाको बेलटारीस्थित पावर हाउसबाट पानी बाहिरिने ‘टेलरेस’ भन्दा नदीको सतह १५ मिटरमाथि पुगेपछि आयोजना बन्द गरिएको हो । आयोजनाको मिर्मीस्थित कार्यालयका सहायक प्रशासनिक अधिकृत ठाकुर पाण्डेका अनुसार पावर हाउसको टेलरेस क्षेत्रनै डुबानमा परेपछि विद्युत् उत्पादन बन्द गरिएको हो ।
प्रतिक्रिया
