कालीमाटी बजारमा आज ठूलो नेपाली गोलभेँडा प्रतिकिलो ५० रुपैयाँ, लोकल सानो गोलभेँडा २० रुपैयाँ र टनेलको सानो गोलभेँडा ३५ रुपैयाँ अधिकतम थोक मूल्य तोकिएको छ। यस्तै, लाम्चो रातो आलु ४१ रुपैयाँ, गोलो रातो आलु ३५ रुपैयाँ, मुढेको रातो आलु ३६ रुपैयाँ, भारतीय रातो आलु ३० रुपैयाँ, सेतो आलु ३० रुपैयाँ र सुकेको भारतीय प्याज ५५ रुपैयाँ प्रतिकिलोमा बिक्री भइरहेको छ।

त्यसैगरी, लोकल गाजर १०० रुपैयाँ, तराईको गाजर ९० रुपैयाँ, लोकल बन्दा ७० रुपैयाँ, स्थानीय काउली ६० रुपैयाँ, रातो मूला ४० रुपैयाँ, हाइब्रिड सेतो मूला २० रुपैयाँ, लाम्चो भन्टा २० रुपैयाँ र डल्लो भन्टा ३५ रुपैयाँ कायम भएको छ।

तने बोडी प्रतिकिलो ४० रुपैयाँ, मकै बोडी ५० रुपैयाँ, मटरकोसा १३० रुपैयाँ, लोकल र हाइब्रिड घिउ सिमी समान ५० रुपैयाँ, राजमा सिमी ८० रुपैयाँ, टाटे सिमी ५० रुपैयाँ र भटमास कोसा १०० रुपैयाँ तोकिएको छ। यस्तै, तीते करेला ३० रुपैयाँ, लौका ४० रुपैयाँ, लोकल र तराईको परवर समान ३० रुपैयाँ, चिचिण्डो ३० रुपैयाँ, घिरौँला ३० रुपैयाँ, झिगुनी ५० रुपैयाँ, पाकेको फर्सी ६० रुपैयाँ, लाम्चो हरियो फर्सी ५० रुपैयाँ, डल्लो हरियो फर्सी २५ रुपैयाँ, भिन्डी ३० रुपैयाँ, सखरखण्ड १२० रुपैयाँ, पिँडालु १०० रुपैयाँ र इस्कुस ५० रुपैयाँ प्रतिकिलोमा उपलब्ध छ।

साग र च्याउतर्फ रायोको साग प्रतिकिलो ४० रुपैयाँ, पालुङ्गो ६० रुपैयाँ, चमसुरको साग ६० रुपैयाँ, तोरीको साग ५० रुपैयाँ र हरियो प्याज १५० रुपैयाँ तोकिएको छ। कन्य च्याउ २६० रुपैयाँ, डल्ले च्याउ ३७० रुपैयाँ, राजा च्याउ ३०० रुपैयाँ र महँगो मानिने सिताके च्याउको मूल्य प्रतिकिलो १,००० रुपैयाँ कायम गरिएको छ।

अन्य विशेष परिकारमा कुरिलो ३० रुपैयाँ, निगुरो १०० रुपैयाँ, ब्रोकाउली ५० रुपैयाँ, चुकन्दर ८० रुपैयाँ, रातो बन्दा ५० रुपैयाँ, जिरीको साग ९० रुपैयाँ, सेलरी १६० रुपैयाँ, पार्सले ३५० रुपैयाँ, सौफको साग ६० रुपैयाँ, पुदिना २०० रुपैयाँ, गान्टेमूला ६० रुपैयाँ, इमली १८० रुपैयाँ, तामा १६० रुपैयाँ, तोफु १६० रुपैयाँ र गुन्द्रुक ३५० रुपैयाँ प्रतिकिलो तोकिएको छ।

फलफूलतर्फ फुजी स्याउ प्रतिकिलो ३०० रुपैयाँ, रैथाने नेपाली केरा प्रतिदर्जन २५० रुपैयाँ र मालभोग केरा २०० रुपैयाँ तोकिएको छ। यस्तै, कागती प्रतिकिलो २०० रुपैयाँ, अनार ४५० रुपैयाँ, मालदह आँप ११० रुपैयाँ, दशहरी आँप १२० रुपैयाँ, हरियो तरबुजा ७० रुपैयाँ, जुनार २३० रुपैयाँ र भुइँकटहर प्रतिगोटा २०० रुपैयाँमा बिक्री भइरहेको छ। लोकल काँक्रो ६० रुपैयाँ, हाइब्रिड काँक्रो ३० रुपैयाँ, लोकलक्रस काँक्रो ५० रुपैयाँ, रूखकटहर ५० रुपैयाँ, चाइनिज नासपाती २५० रुपैयाँ, नेपाली मेवा ९० रुपैयाँ, भारतीय मेवा १२० रुपैयाँ, लोकल लिची २५० रुपैयाँ, भारतीय लिची ३५० रुपैयाँ, काँचो नरिवल ७० रुपैयाँ र हरियो नरिवल प्रतिगोटा १७० रुपैयाँ निर्धारण भएको छ।

मसलाजन्य सामग्रीमा अदुवा प्रतिकिलो १८० रुपैयाँ, सुकेको खुर्सानी ५०० रुपैयाँ, लाम्चो हरियो खुर्सानी ३० रुपैयाँ, बुलेट हरियो खुर्सानी २० रुपैयाँ, माछे खुर्सानी ५० रुपैयाँ, अकबरे खुर्सानी २५० रुपैयाँ, भेडेखुर्सानी ९० रुपैयाँ, हरियो लसुन २०० रुपैयाँ र हरियो धनियाँ १०० रुपैयाँ तोकिएको छ। यस्तै, चाइनिज सुकेको लसुन २०० रुपैयाँ र नेपाली सुकेको लसुन १७० रुपैयाँ छ।

माछा बजारतर्फ सुकेको माछा प्रतिकिलो १,००० रुपैयाँ, ताजा रहु माछा ३४० रुपैयाँ, बचुवा माछा ३०० रुपैयाँ र छडी माछा ३५० रुपैयाँ प्रतिकिलोमा थोक खरिद-बिक्री भइरहेको छ।