काठमाडौं । आज  आइतबार सेयर बजारमा उच्च अंकको गिरावट देखियो । जम्मा ४५ कम्पनीको सेयर मूल्य मात्रै बढेको दिन पाँच कम्पनीको सेयर मूल्य भने सकारात्मक सर्किट लागेर कारोबार भएको हो ।

नेप्से परिसूचक २६.५१ अंकले घटेर २६४९.५२ को बिन्दुमा बन्द भएको दिन आज सागर डिस्टीलरी, निफ्रा ग्रिन इनर्जी डिबेन्चर, स्वस्तीक लघुवित्त, झापा इनर्जी र श्रीनगर एग्रीटेकमा सकारात्मक सर्किट लागेर कारोबार भएको हो ।

आजको कारोबार बन्द हुँदा सागर डिस्टीलरीको सेयर मूल्य १३३ रुपैयाँ ३० पैसाले बढेर १ हजार ४६६ रुपैयाँ ५० पैसा पुगेको छ । त्यस्तै निफ्रा ग्रिनको सेयर मूल्य १०३ रुपैयाँ ३० पैसाले बढेर १ हजार १३७ रुपैयाँ २० पैसा पुगेको छ । त्यस्तै आज स्वस्तीक लघुवित्तको सेयर मूल्य पनि ८१ रुपैयाँ ५० पैसाले बढेर ८९७ रुपैयाँ ४० पैसा पुगेको छ । झापा इनर्जीको सेयर मूल्य आज ७३ रुपैयाँ ३० पैसाले बढेर ८०६ रुपैयाँ ७० पैसा र श्रीनगरको सेयर मूल्य ४४ रुपैयाँ १० पैसाले बढेर ४८५ रुपैयाँ ५० पैसा पुगेको छ ।