काठमाडौं ।  हरितालिका तीजको दिनमा खुलेको शेयर बजार सामान्य बढेर बन्द भएको छ । आज  मंगलबार नेप्से परिसूचक ४.८३ अंक बढेर २७६६.०९ विन्दुमा पुगेको छ । नेप्से बढेपनि यस दिन कारोबार रकम भने घटेको छ ।

सोमबार ५ अर्ब ७५ करोड रुपैयाँको शेयर खरिदबिक्री भएको बजारमा ४ अर्ब १८ करोड ५३ लाख १५ हजार रुपैयाँ बराबरको शेयर खरिदबिक्री भएको छ । १३ उपसमूहमध्ये यस दिन ९ उपसमूहको परिसूचक बढेको छ भने ४ उपसमूहको परिसूचक घटेको छ । यस दिन अन्य उपसमूहको परिसूचक सर्वाधिक १.४२ अंक बढेको छ।

विकास हाइड्रोपावर कम्पनीको शेयरमूल्य यस दिन पनि सकारात्मक सर्किट लेभलमा कारोबार भएको छ । कारोबार रकमका आधारमा यस दिन नेपाल पुनर्बीमा कम्पनी शीर्ष स्थानमा रहेको छ। सो कम्पनीको यस दिन ४८ करोड ९५ लाख रुपैयाँबराबरको शेयर कारोबार भएको छ।