काठमाडौं ।  कालीमाटी तरकारी तथा फलफूल बजार विकास समितिले आज मङ्गलबारको मूल्यसूची प्रकाशित गरेको छ । जसअनुसार आज केही तरकारीको भाउ घटेको छ भने केहीको बढेको छ । मूल्यसूची अनुसार आज सानो लोकल गोलभेडाको भाउ बढेर प्रतिकेजी ७५ रुपैयाँ, सानो गोलभेडा (भारतीय) ६० रुपैयाँ, तराई सानो गोलेभडा ५७ रुपैयाँ ५० पैसा रहेको छ भने रातो आलुको भाउ बढेर प्रतिकेजी ३३ रुपैयाँ तोकिएको छ ।

यसैगरी, लाम्चो भन्टा प्रतिकेजी ३५ रुपैयाँ, डल्लो भन्टा ३८ रुपैयाँ ३३ पैसा, लाम्चो फर्सी ५५ रुपैयाँ, ब्रोकाउली र पिंडालू ९५ रुपैयाँ, चुकुन्दर ६८ रुपैयाँ ७५ पैसा, सुकेको खुर्सानी ३६५ रुपैयाँ, हरियो खुर्सानी र बुलेट खुर्सानी १०५ रुपैयाँ र सिताके च्याउको भाउ बढेर ७५७ रुपैयाँ ५० पैसा पुगेको छ ।

त्यस्तै, लौकाको भाउ भने घटेर प्रतिकेजी २५ रुपैयाँमा झरेको छ भने परवर ५५ रुपैयाँ, भटमासकोशा ९५ रुपैयाँ, डल्लो फर्सी २० रुपैयाँ, भिण्डी ३० रुपैयाँ,  कन्य च्याउ १५६ रुपैयाँ ६७ पैसा, डल्ले च्याउ २८६ रुपैयाँ ६७ पैसा, कागती २६५ रुपैयाँ, माछे खुर्सानी (हरियो) ४० रुपैयाँ, भेडे खुर्सानी ६८ रुपैयाँ ३३ पैसा र हरियो धनिया ८५ रुपैयाँ निर्धारण गरिएको छ ।

विस्तृत तालिकामा हेर्नुस्