काठमाडौं ।  आज मंगलबार पनि शेयर बजारको यात्रा ओरालो नै लागेको छ । आज नेप्से १५.०८अंकले घट्दा २६३१ को विन्दुमा कायम भएको छ । आज म्युचुअल फण्ड र ट्रेडिङबाहेक सबैको उपसूचकमा गिरावट आएको छ । ३११ सूचीकृत कम्पनीको १ करोड ८४ लाख कित्ता सेयर खरिदबिक्री हुँदा ७ अर्ब ५७ करोड रुपैयाँबराबरको शेयर कारोबार भएको छ ।

तीन कम्पनीको सेयरमा सकारात्मक सर्किट लागेको छ । क्रेष्ट र कर्पोर्रेट डेभलपमेन्ट बैंक, नेपाल माईक्रो शेयरमा सकारात्मक सर्किट लागेको छ । आज सबैभन्दा धेरै सानिमा माइ हाइड्रोपावर कम्पनीको शेयर कारोबार भएको छ । आज यस कम्पनीको ८२ करोड ४३ लाख रुपैयाँको कारोबार भएको छ ।

आज सबैभन्दा धेरै कर्पोरेट डभेलपमेन्ट बैंक र क्रेष्ट माइक्रो लाइफका लगानीकर्ताले कमाएका छन् । आज यी दुई कम्पनीका लगानीकर्ताले १० प्रतिशतका दरले कमाएका छन् । आज सबैभन्दा धेरै मध्य भोटेकोशी जलविद्युत कम्पनीका लगानीकर्ताले गुमाएका छन् । आज यस कम्पनीका लगानीकर्ताले ९.९८ प्रतिशतका दरले गुमाएका हुन् ।