काठमाडौं ।  नेपाली बजारमा आज मंगलबार सुनको भाउ  स्थिर रहेको छ । नेपाल सुनचाँदी व्यवसायी महासंघका अनुसार आज सुन प्रति तोला तीन लाख ६ हजार आठ सय रुपैयाँमा किनबेच भइरहेको छ ।

हिजो सोमबार पनि सुन सोही मूल्यमा कारोबार भएको थियो।  यस्तै, मंगलबार चाँदीको मूल्य भने घटेको छ । हिजो सोमबार प्रति तोला चार हजार सात सय ७० रुपैयाँमा कारोबार भएको चाँदी आज तोलामा चार हजार सात सय ५५ रुपैयाँमा किनबेच भइरहेको छ ।

यो मूल्य अघिल्लो दिनको तुलनामा प्रति तोला १५ रुपैयाँ घटेको हो । अन्तर्राष्ट्रिय बजारमा आज सुन प्रति औंस चार हजार तीन सय ९२ अमेरिकी डलरमा कारोबार भइरहेको छ ।