कुल ग्राहस्थ उत्पादनमा कृषि क्षेत्र र गैर कृषि क्षेत्रको योगदान क्रमशः २४ र ७६ प्रतिशत रहने अनुमान छ । प्रदेशगत योगदानमा बागमतीको सबैभन्दा बढी योगदान रहने अनुमान गरिएको छ । उक्त सर्वेक्षण मार्फत सन् २०२६ मा विश्व अर्थतन्त्रको विस्तार ३.१ प्रतिशतमा सीमित हुने अनुमान गरिएको छ । नेपालको आर्थिक वृद्धिदर ३.८५ प्रतिशत बराबर हुने अर्थमन्त्री वाग्लेले जानकारी गराए । अर्थमन्त्री वाग्लेले बागमती र गण्डकीबाहेक अन्य प्रदेशको आर्थिक वृद्धिदर राष्ट्रिय औसत भन्दा न्यून रहने उल्लेख गरे ।