नेप्सेमा ४.२८ अंकको गिरावट
काठमाडौं । साताको दोस्रो कारोबार दिन नेप्से परिसूचक ४.२८ अंकले घटेर २६४५.२४ को विन्दुमा कायम भएको छ ।
आज दिनभरिमा ३२५ कम्पनीको १ करोड ८ लाख ६० हजार ८२८ कित्ता सेयर किनबेच हुँदा ४ अर्ब ७१ करोड माथिको सेयर कारोबार भएको छ । आज १२४ कम्पनीको सेयर मूल्य बढ्दा १२६ कम्पनीको सेयर मूल्य घटेको छ भने ८ कम्पनीको मूल्य स्थिर रहेको छ ।
आज युनाइटेड मोदीको सर्वाधिक २७ करोड १० लाख रुपैयाँको कारोबार भएको छ । दोस्रोमा हिमालयन रिइन्स्योरेन्सको १५ करोड ३८ लाख रुपैयाँ र तेस्रोमा बन्दीपुर केबलकारको १४ करोड ६७ लाख रुपैयाँको सेयर कारोबार भएको छ ।
यसदिन सागर डिष्टिलरी र स्वास्तिक लघुवित्तका लगानीकर्ताले सर्वाधिक १० प्रतिशतका दरले कमाएका छन् । यस्तै, झापा इनर्जी र श्रीनगर एग्रीटेकका लगानीकर्ताले ९.९९ प्रतिशतका दरले कमाएका छन् । निफ्रा ग्रीन इनर्जी डिबेन्चर ६ % का इकाईधनीले आज सर्वाधिक ९.५१ प्रतिशतका दरले गुमाएका छन् ।
