आज सोमबार सुनचाँदीको मूल्य वृद्धि
रफत न्युज १९ साउन २०८२ ११:२०
काठमाडौं । नेपाली बजारमा सोमबार सुनचाँदीको मूल्य वृद्धि भएको छ ।
नेपाल सुनचाँदी व्यवसायी महासंघका अनुसार छापावाल सुनको मूल्य आइतबारको तुलनामा १०० रुपैयाँले बढेको हो । महासंघका अनुसार आज सुन तोलामा १ लाख ९६ हजार ६०० रुपैयाँमा कारोबार भइरहेको छ ।
आइतबार छापावाल सुन प्रतितोला १ लाख ९६ हजार ५०० रुपैयाँमा कारोबार भएको थियो । यस्तै, चाँदीको मूल्य पनि बढेको छ । आइतबार तोलामा २ हजार २५० रुपैयाँ कायम भएको चाँदी सोमबार ५ रुपैयाँले बढेर तोलामा २ हजार २५५ रुपैयाँ पुगेको महासंघले जनाएको छ ।
प्रतिक्रिया
