आज कात्तिक २५ गते बुधबारको राशीफल

मेष : (चु, चे, चो, ला, लि, लु, ले, लो, अ) ​सहकर्मीसँगको छलफलबाट नयाँ उपाय निस्कनेछ। विद्यार्थीले अभ्यासमा निरन्तरता दिँदा राम्रो उपलब्धि हासिल गर्नेछन्। परिवारको कुनै सदस्यसँग समय बिताउँदा मन हलुका हुनेछ। आजको शुभ रंग खैरो हो भने शुभ अंक ७ रहेको छ।

वृष : (इ, उ, ए, ओ, वा, वि, वु, वे, वो ) बचत गर्ने बानीले भविष्यको योजना बलियो बनाउनेछ। कृषि वा उत्पादनसँग जोडिएका काममा व्यस्तता बढ्नेछ। पुरानो मित्रसँग भेटघाटको अवसर मिल्न सक्छ। चिसोबाट जोगिनुका साथै पर्याप्त आराम गर्नुहोला। आजको शुभ रंग निलो हो भने शुभ अंक ८ रहेको छ।
मिथुन :  (का, कि, कु, घ, ङ, छ, के, को, हा) ​​​आफ्नो ज्ञान र अनुभव बाँड्ने मौका मिल्नेछ। सञ्चार तथा लेखनसम्बन्धी काममा राम्रो प्रगति हुनेछ। नयाँ सीप सिक्न थालेका व्यक्तिलाई उत्साह मिल्नेछ। अरूको निजी विषयमा अनावश्यक चासो नराख्नुहोला। आजको शुभ रंग गाढा पहेलो हो भने शुभ अंक ५ रहेको छ।
कर्कट : (हि, हु, हे, हो, डा, डि, डु, डे, डो) भावनात्मक रूपमा आफूलाई बलियो महसुस गर्नुहुनेछ। घरजग्गा वा पारिवारिक कागजातको काममा ध्यान दिनुपर्नेछ। सेवासम्बन्धी क्षेत्रमा नयाँ जिम्मेवारी आउन सक्छ। आजको शुभ रंग बैजनी हो भने शुभ अंक १ रहेको छ।
सिंह : (मा, मि, मु, मे, मो, टा, टि, टु, टे) ​​आफ्नो नेतृत्व क्षमता देखाउने अवसर मिल्नेछ। व्यापारमा नयाँ तरिका अपनाउँदा ग्राहक आकर्षित हुनेछन्। खेलकुद वा अतिरिक्त क्रियाकलापमा विद्यार्थीको रुचि बढ्नेछ। नजिकका व्यक्तिको भावनालाई बेवास्ता नगर्नुहोला। आजको शुभ रंग सेतो हो भने शुभ अंक ६ रहेको छ।
कन्या : (टो, पा, पि, पु, ष, ण, ठ, पे, पो) अड्किएको कागजी प्रक्रिया अघि बढ्नेछ। सीप र अनुभवका आधारमा नयाँ कामको जिम्मेवारी मिल्न सक्छ। आर्थिक विषयमा अरूको भर पर्नुभन्दा आफैँ हिसाब जाँच्नुहोला। आजको शुभ रंग सुन्तला हो भने शुभ अंक ३ रहेको छ।
तुला : (रा, रि, रु, रे, रो, ता, ति, तु, ते) मनोरञ्जनसँगै नयाँ कुरा सिक्ने अवसर जुट्नेछ। अध्ययनमा कमजोर पक्ष सुधार्ने राम्रो समय छ। आफ्नो कुरा राख्दा अरूको विचारलाई पनि ठाउँ दिनुहोला। आजको शुभ रंग गाढा हरियो हो भने शुभ अंक ७ रहेको छ।
वृश्चिक:  (तो, ना, नि, नु, ने, नो, या, यि, यु) धैर्यपूर्वक अघि बढ्दा जटिल विषयको समाधान भेटिनेछ। घरको जिम्मेवारीमा तपाईंको भूमिका महत्वपूर्ण हुनेछ। पेटसम्बन्धी असहजता भए खानपानमा विशेष ध्यान दिनुहोला। आजको शुभ रंग हल्का गुलाबी हो भने शुभ अंक ४ रहेको छ।
धनु : (ये, यो, भा, भि, भु, धा, फा, ढा, भे) प्रचारप्रसार वा सञ्चारसँग सम्बन्धित काममा राम्रो अवसर मिल्नेछ। विद्यार्थीलाई नयाँ विषयप्रति जिज्ञासा जाग्नेछ। हतारमा दिएको प्रतिक्रियाले विवाद निम्त्याउन सक्छ। आजको शुभ रंग सेतो हो भने शुभ अंक ९ रहेको छ।
मकर : (भो,जा,जि,जु,जे,जो,ख,खि,खु,खे,खो,गा,गि) आर्थिक अनुशासन कायम राख्ने निर्णय उपयोगी हुनेछ। जिम्मेवारी बाँडेर काम गर्दा समयको बचत हुनेछ। पारिवारिक जमघटले सम्बन्धमा न्यानोपन थप्नेछ। शरीरलाई सक्रिय राख्न हल्का व्यायाम गर्नुहोला। आजको शुभ रंग कलेजी हो भने शुभ अंक ५ रहेको छ।
कुम्भ : (गु, गे, गो, सा, सि, सु, से, सो, दा) ​​आफ्नो विचारलाई नयाँ ढंगले प्रस्तुत गर्ने अवसर मिल्नेछ। प्राविधिक काममा देखिएको समस्या समाधान हुनेछ। रोजगारीका लागि दिएको आवेदनको जवाफ आउन सक्छ। आजको शुभ रंग आकाशे नीलो हो भने शुभ अंक २ रहेको छ।

मीन : (दि, दु, थ, झ, ञ, दे, दो, चा, चि) ​​ धार्मिक तथा सांस्कृतिक गतिविधिमा सहभागी हुने अवसर मिल्नेछ। आफ्नो रुचिको क्षेत्रमा प्रशंसा प्राप्त हुनेछ। आम्दानीको केही हिस्सा भविष्यका लागि छुट्याउनु राम्रो हुनेछ। मन शान्त राख्न पर्याप्त निद्रा र विश्रामलाई महत्व दिनुहोस्। आजको शुभ रंग रातो हो भने शुभ अंक ६ रहेको छ।


प्रतिक्रिया

Leave a Reply

Your email address will not be published. Required fields are marked *

सम्बन्धित खबर